पार्टी को सुदृढिकरण चाहाने अग्नि भुसाल ।

प्रदेश सचिवमा अग्नि प्रसाद भुसालको उम्मेदवारी : ‘पद होइन, जिम्मेवारी लिन आएको हुँ’

पोखरा । नेपाली कांग्रेसको प्रदेश सचिव पदका लागि अग्नि प्रसाद भुसालले उम्मेदवारी घोषणा गरेका छन्। क्षेत्र नं. ३, प्रदेश सभा ‘क’ बाट उम्मेदवारी दिएका भुसालले आफ्नो उम्मेदवारी पद प्राप्तिका लागि नभई संगठनलाई थप बलियो, चलायमान र जनमुखी बनाउनका लागि भएको बताएका छन्।

लामो समयदेखि पार्टी संगठनमा सक्रिय रहँदै आएका भुसालले कार्यकर्ताका समस्या, अपेक्षा, संघर्ष र योगदानलाई नजिकबाट बुझेको उल्लेख गर्दै संगठनको नेतृत्व र कार्यकर्ताबीचको सम्बन्धलाई अझ मजबुत बनाउन आफूले भूमिका निर्वाह गर्ने बताएका छन्।

उनका अनुसार चुनावको समयमा मात्र कार्यकर्तालाई सम्झिने नभई सुख–दुःखमा निरन्तर साथ दिने संगठन निर्माण अहिलेको आवश्यकता हो। पुरानो पुस्ताको अनुभवलाई सम्मान गर्दै नयाँ पुस्ताको ऊर्जा, प्रविधि र सिर्जनशीलतालाई पार्टी संगठनसँग जोड्नुपर्नेमा पनि उनले जोड दिएका छन्।

प्रदेश सचिवको जिम्मेवारी पाएमा पार्टीका क्रियाशील सदस्यको सम्मान, कार्यकर्ताको क्षमता र योगदानको उचित मूल्यांकन, नियमित संगठनात्मक गतिविधि, प्रशिक्षण तथा संवादलाई प्राथमिकतामा राखेर काम गर्ने भुसालले प्रतिबद्धता जनाएका छन्।

‘मेरो उम्मेदवारी कसैको विरोधका लागि होइन, संगठनभित्र सकारात्मक परिवर्तन र सहकार्यका लागि हो,’ भुसालले भनेका छन्।

कांग्रेसलाई समयअनुकूल, ऊर्जाशील र जनतासँग जोडिएको पार्टीका रूपमा अघि बढाउने आफ्नो उद्देश्य रहेको बताउँदै भुसालले प्रदेशदेखि स्थानीय तहसम्म संगठनलाई थप सक्रिय र व्यवस्थित बनाउन आफूले भूमिका खेल्ने बताएका छन्।

‘नेता ठूलो भएर पार्टी ठूलो हुँदैन, कार्यकर्ता बलियो भएर पार्टी बलियो हुन्छ,’ भुसालले आफ्नो उम्मेदवारीको सन्दर्भमा भनेका छन्।

उनले आफ्नो उम्मेदवारीलाई पदभन्दा पनि सेवा र जिम्मेवारीको अवसरका रूपमा लिएको बताएका छन्। ‘पद माग्न होइन, जिम्मेवारी लिन आएको हुँ। प्रतिबद्धता व्यक्त गर्न मात्र होइन, काम गरेर देखाउन आएको हुँ,’ उनको भनाइ छ।

कार्यकर्ताको विश्वास, सुझाव र साथलाई आफ्नो राजनीतिक यात्राको शक्ति बनाउँदै संगठनको हितलाई प्राथमिकतामा राखेर अघि बढ्ने भुसालले बताएका छन्।

अग्नि प्रसाद भुसाल

उम्मेदवार : प्रदेश सचिव

क्षेत्र नं. ३, प्रदेश सभा ‘क’

सम्पर्क : ९८६६०५११६०