कलंकीमा कुटपिटबाट युवकको मृत्यु, एक जना पक्राउ

काठमाडौंको कलंकीमा कुटपिटबाट १८ वर्षीय युवकको मृत्यु भएको छ। घटनामा संलग्न रहेको आरोपमा प्रहरीले एक जनालाई पक्राउ गरेको छ भने अन्य तीन जनालाई अनुसन्धानका लागि नियन्त्रणमा लिएको छ । मृत्यु हुनेमा सिन्धुलीको हरिहरपुरगढी गाउँपालिका–३ घर भई काठमाडौंको खसीबजार बस्ने रोशन पाख्रिन रहेका छन् । प्रहरीका अनुसार असोज २८ गते बिहान कलंकीमा रोशन  र १९ वर्षीय रुपेश पाख्रिनबीच सामान्य विवाद भएको थियो। विवादका क्रममा कुटपिट हुँदा रोशन बेहोस भएका थिए  । उनलाई उपचारका लागि सहिद मेमोरियल अस्पताल पु¥याइए पनि चिकित्सकले मृत घोषणा गरेको प्रहरीले जनाएको छ । घटनामा पक्राउ परेका रुपेशसहित अन्य व्यक्तिमाथि प्रहरीले थप अनुसन्धान गरिरहेको छ ।